ليه ترضى دايما بالذل
ليه تدفن راسك فى الرمل
وتقول أنا مالى أنا فى حالى
هعمل نفسى مش واخد بالى
ولا هتكلم كده فى سياسه
ولا حتى هجيب سيرة ساسه
ليه أتكلم وأبقى عبيط
خلينى كده جنب الحيط
تكتم نفسك تلغى وجودك
وتشيل هم لكل ردودك
خايف تغلط بس بكلمة
ولا تقدر حتى تقول جملة
سلبى عديم النفع كمان
عاجز ساكت زى شيطان
راضى بقهر راضى بظلم
عايش فاقد كده للحلم
أنسان معدوم الشخصية
ولا ليك أسم ولا حتى هوية
محسوب على جنس البشرية
حمل تقيل على وجه الأرض
ولا قادر حتى تصون عرضأياك تقبل تانى بذل
متحطش رأسك فى الرمل
ليه وحدك عايش غيبوبة
والدنيا حواليك مقلوبة
ثورة ثورة فى كل مكان
أصحى وفوق يا أنسان
شارك عبر قول عن رأيك
أنزل وأخرج من قوقعتك
0 التعليقات:
إرسال تعليق