ليه يا دنياا ................ بقلم الشاعر ...... الرحال محمد القناوي

...ليه يادنيا ...

ليه يادنيا 
بتعذبينى بالسكات
ليه كل مااصرخ 
بتموتينى من الاهات
ياريت تبتسمى شويه
ولا انتى برضو مصممه
تخلينى دايما تحت التراب
طب فرحينى لحظه
أنفضى عنى التراب
أتبسمى ولا بسمتك
مبتطلعش غير بس للعذاب
ساهر الليل اناجى المحبه فالخيال
وارسم الاحلام معاه
واعطره بطيف التمنى

وانسى دمعى
وأنسى اهى
وانفض الغبار معاه
وافضل احلم فالخيال
انى اقوى من الجبال
وامسك الدنيا باديا
وتتحقق الاحلام معاه
وابقى اسعد من بالحياه

ولما شمس الصبح تطلع

القى حلمى مات معاها
ويندفن تحت التراب
وارجع تانى تموتنى الاهات

واندفن تحت التراب
وانكتم تانى بالسكات
وانتظر ليلى ياتى بالمحبه
وابقى ميت فحكم عايش
وليه يادنيا بتعذبينى بالسكات