حب جارف ........ بقلم الشاعر .....رضا ابو الغيط

حُب جارف

يا ابتسامه ع الشفايف
لما اشوفك ببقى خايف
ببقى عارف
ان بعد الابتسامه
دمعه جايه
بتدوق مرارتها الشفايف
ببقى حاسس بالكلام
بالغرام
بس بردوا ببقى خايف
يا ما قبلى كتير أحبه
كان عذابهم
ابتسامه م الشفايف

بإبتسامه قلبى سلم
ف الغرام
بإ بتسامه عشقت ليل
عينى ما عرفت تنام
بإبتسامه كتبت شعرى
نسجت خيوط الكلام
بس بردوا لسه خايف
م اللى سامعه
ع الشفايف م الشفايف
بإبتسامه ع الشفايف
راح أسلم
مش مهم أبقى شايف
أصل حُبك
حُب جارف