بحسد روحي ..... بقلم الشاعر ...سيد صبيح

بحسد روحى
بحس معاكِ وبكلامك
اجمل احساس
وبحسد روحى على حبك
قبل مايحسدونى الناس
كلمه بحبك من شفايفكِ
نار وميه
اسمعها منكِ كأنى
شايفكِ ادام عينيا
واسرح فى جمالك
وحسنك ودلالك
وتهون الدنيا عليا
يلى كلامك ليا
بلسم جروحى
ماتحرمنيش ابداً منكِ
داانتِ حبيبه روحى
ياريتنى عرفتك من سنين
ماكنش قلبى عاش حزين
لاقيت معاكِ حلم حياتى
اللى ضاع من سنين
ولاقيت كلامك بيغذى روحى
وبدوب فيه من كلمتين
اوعى تسبينى يانور عينى
داانا قلبى حبك
من قبل ماتشوفك عينى