ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حديث الاحباب
ـــــــــــــــــــــــ
وبعد سنين التقيا ذات يوم ودار بينهما ذالك الحديث
ـــــــــــــــــــــــــــــــــــــــــــــــــــــــــــــ
هـــــو
كلامـــــــى كـــُله كان ليكى
عشـــــــان اشـــرح ووريكى
كلام الحــــــب يبقـــى ازاى
عـــــــزفت كتير على عودى
وبُحــــــت انا ليكى بوعودى
وكــلمتك بصـــــــــوت الناى
وقلت معاكـــى كان امسى
وكان صوتى وكــان همسى
وكان يومى وعمـــرى الجاى
هـــــى
هعيش علـى نبض اشعارك
واقــــول مشوارى مشوارك
ولــــــــو حُبـــــك يكون النار
هشــــوف الجنه انا ف نارك
هـــــو
هعيشلك صوره فى عنيكى
وقلــــــب بتحضُــنه ايديكى
ولــــــــو شفت الهوى غدار
يمـــــــوت قلبــى وافديكى
هـــى
يمــــــــوت ازاى وانـــا حباه
وكـــــــل دقيقه بتــــــــمناه
ولـــــو يجرى راح اجرى وراه
واروح لــــــه من حياه لحياه
واعيــــش اوصف ف اوصافه
واسيب راسـى على كتافه
ولا عمـــرى فى يوم انساه
هـــــو
يادَق القلــــــــب يـــا بعيده
يا قصـــــه قـــديمه وجديده
يانسمـــــــايه يـــــــاتغريده
يــــــروح العمــــر وسنينـه
ولا اشــــــــوفك بتنــــهيده
.............
هــــــــى
وتفضـــــــــلى وتــــحيالىي
يــــــانـور عينى ياراسمالى
معـــــــاك الـــدنيا ضحكالى
ومــــــــن غيرك اعيش الاه
ياحـــــلم عشقتُه .. حبيتُه
وســــــر فــى قلبى خبيته
وعشــــــت العمــــر اترجاه
هــــــو وهــــــى
هنحـــــيا بالايدين ماسكين
ولاتفـــــــرقنا اى ســــــنين
بقصــــــه حبنا المــــــــولود
مالــوش آخر ما لهش حدود
ونحـــــــلم كـــل يوم احلام
نحققــــــــها مــــــع الايام
بقــــــــــدره ربنــــا المعبود
بقــــــــــدره ربنــــا المعبود
0 التعليقات:
إرسال تعليق