قالونا زمان ........... بقلم الشاعره..........بشاير الخير

الحيطان لها ودان

قالونا زمان اسكتو الحيطان لها ودان
و سكتنا و فضل الخوف ملازمنا
في كل مكان
و علمناها لولادنا على مر الزمان
لحد ما ظهر الحق
و عرفنا ان دي مكيدة من
اخونا الانسان
ساعتها صرخنا باعلى صوتنا
حتى و صل الصدى
للاعيان
احنا مش خايفين من الحيطان
و لا من بطش الطغيان
احنا عايزين نبطل خوف
و نعبر عللي جوانا
بكل صدق و امان
خلاص الكل فطن
و دخل منظومة حقوق الانسان
لا للخوف لا للظلم لا لتجسس
الحيطان
فبلاش بقه تخوفونا و تزرعو
جوانا الشجن و الاحزان
فمهما طال الليل
لابد للشمس ان تسطع
و تشرق في كل مكان