ياشمس النهار ........ بقلم الشاعر ....رضا ابو الغيط

يا شمس نهار

قلبى م الهوى طار
وارتمى ف حضنك
ولما حَب اختار
ف الهوى قلبك
قلبى بقى محتار
بتحبه عروسه النيل
ولا هو اللى بس
يا عروسه بيحبك
يا روحى
قلبى بيحبك
ومش حمل
هجرك
ولا بعدك
يا جنه ونار
قلبى يتمنى ف يوم
قُربك
سهران وكله هموم
مستنى م الهوا ردك
ردى
يا شمس نهار
على قلبى
بلاش تقلك
ولاصهدك
حبيه
وخليه شعاع ليكى
يدفيكى
حبيه
عشان قلبى م يحبك
ولما يطير
يطير يرتمى ف حضنك
وتبقى جناحه وسماه
ويبقى الطير اللى بيحبك