الحب نعمه .......... بقلم الشاعر ..........عوني هشام

. الحب نعمة ربنا
========== صدقونى
لما اقول
الحب وحده يظلنا 
اصل الحياة بالحب
نعمة ربنا

فيها السعاده
تحس بيها
والامان يلفنا
تبقى ايه
هيا السعادة
من غير قلوب تلمنا

وكلمة واحده لربنا
ينجى مصر امنا
من محنة فيها كلنا

ونعود نغنى
في الاصيل
نمشى سوى
نسهر
مع القمر الجميل
نقول ياليل
اللمة حلوة بأهلنا

وانت وانا
نبنى نعمر ارضنا
وننشر الحب بسلام
حتى الكلام
يكون محبة بقلبنا

ومش بعيد
على ارض
خصها ربنا
ادخلوها آمنين
والامان هايعود لنا

تسأل عليا
اسأل عليك
والكره يبعد عننا
الحب يسكن كل بيت
والعدل خيمة تظلنا

ننسى كمان
كلمة يا ريت
ونزيد ايمانا بربنا
الحياة بالحب نعمة
ليه نسيبها تروح
بعيد اوى عننا

مين السبب ؟
انت : انا ؟
ولا حاكم غاب بوعيه
مع شلة طاغية تزلنا

لسه بحلم
وهافضل احلم
ان اللى راح
ممكن نجيبة بعزمنا

القوة مش قوة سلاح
قوة عزيمة
نبنى بيها مجدنا

انت وانا
انكوينا بالجراح
حتى اللى راح ما يهزنا

مسلم مسيحى في الكفاح
شايل علم شايل سلاح
ضد غدر يهدنا

يسقينى ميه
اديلة عيش
ونعيش نكمل بعضنا

الرب واحد
ومصر حضن يلمنا
وصدقونى لما اقول
الحب نعمة ربنا