محتاجلك .......... بقلم الشاعر......... ابو عمار المصري

مِـحــتـــا جـلـِــك
وكُنت فاكِر
إنى خلاص ...رِجلى شالتنى
وكبِرت .وصاحِب بيت .
.شايل همّى...
ما بقيتشى خلاص
محتاج لإدين وتغطينى
ولا حد يصلّى الفجر
ويدعى لى ..ويصحّينى
روح يا بنى .
.يستُرها عليك
وينوّر لك كل طريقك
من خيره يزيدك ...يدّ يك
الله يا أمى
أتارينى واهِم ..
وما نيش فاهِم
أنا مهما كبرت ..انا بحتاجلك
من بحر النور اللى ف كفّك
شمسى بتَطلع
من طهر جبينك .بتوضى
والسبحة ف إيدك بتنور
بساتين فضة
أيوة يا أمى
أنا لسّة صغير فى عنيكى
محتاج لحنا نِك
فى الأزمة أجرى عليكى
أسبَح بين شطّين من نور
وبلَمس إديكى بشوف عُمرى
وردة بتتفتح على غُـصنِـك
آااه يا .......ا مَّـا يا
بدُعاكى
بتداوى حروحى .تلمّى شقايا
يا تراب من طمى النيل لاخضر
يا زتونة وتوتة ...و ضليلة
فى حضانك بتلمّى العيلة
يا طيّبة ......يا قريّبة
يا عيون النبع اللى بيروى
يا شموسى مع نجومى بتِضوى
واهد يلك إيه
عمرى قصـيّـر ..
.قلبى صغـيـّر
أفرِ ش لك رمشى وخطَى عليه
طب أعمل إيه ...؟
ما ملِـكشى حنان زىّ حنا نِـك
ولا قلب الكون فى جمال قـلبِـك
مش ما لِـك غير بس كلامى
أحنى لِـك ضَهرى ...تقيمى ضَهـرِك
واتنفّس من عِطر إديكى
واتغَـسّل من أنوار طُـهرِك