يا مهون هونها
علينا
ف الثوره
ماهى جت رجلينا
من يومها
وانا دامى سايل
واخويا
شايل لى قنابل
بيقتل
فينا ومش فاهم
وفكرلى
نفسه بقى مناضل
وف بيتنا
النار بتإيد
وخلافنا
يوماتى يزيد
من يومها
بدموعنا بكينا
وعملنا
بقى ليها العيد
أتاريها
سرقت أفرحنا
ونساتنا
الوقفه والعيد
بإيدينا
بنضيع قوتنا
وبنرسم
موتنا بسكوتنا
نتقاتل
والحق علينا
أتارينا
للعقل فقدنا
ضيعنا بإيدنيا
ولادنا
يا مهون هونها
علينا
صعبانا علينا
يا بلدنا
الثوره
مش هى الخوف
ولا هى
قزايز مولوتوف
وقنابل نزرعها
تموتنا
ولا شمس حياتنا
نخوفها
ويجيلها كسوف
ونضيع
ف العتمه فرحتنا
ولا هى الضلمه
ف سكتنا
نتخبط وتخبط فينا
الثوره
يعنى أطرح فكره
وأستنى
الناتج بكره
الثوره
يعنى أزرع شجره
تطرح لى
ف اليوم كام ثمره
وبخرها
هتعم علينا
بالثوره
نحمى أولادنا
ونرجع
تانى أمجادنا
ونسابق
ف سمانا الريح
اعذرنى
مانا أصلى صريح
مش بالثوره
أو التجريح
راح ترجع لينا دنيتنا
بالعلم لوحده
هنفوق
راح نطلع فوق
بالعلم
راح يوصل صوتنا
0 التعليقات:
إرسال تعليق