اسف ليكى
بقلم محمد البلاط
اسف ليكى وعينى نظره فى عنيكى
شايف دامعه بتحكى حزن ماليكى
وشايف حزنك مسطر على الخدود سطور
وكل سطر متسطر بالف حزن وامل مبتور
اسف ليكى
مكنتش اقصد اهينك
ولا قاصد اجرى الدمع فى عينك
ولا عمرى في يوم فكرت
على الارض اخط بخط
فى طريقك يأذيكى
اسف ليكى
كلامى كان عشم بينا
ويظهر الغشم حنا
حروف مقصوده ليكى جنه
وكانت نار
اسف ليكى
اسف واجفف الدمعه
بدمعه منى تكون شمعه
تعيد البسمه لوجهك
تنور لك امل تانى
على الحب انا معاهدك
انا قلبك انانهدك
انا عودك انا ظلك
انا اللى بقلبى بندهلك
واقول اسف
اسف يا ماسه فى قلبى
والف سطر فى كراسه
بتحكى كلها فى وجدى
انا ليكى وفى عنيكى
برغم الدمعه ما تغطى
بحور الحزن هعديها
وللموجه راح اطويها
واوصل شط جفونك
واطبع بوسه على خدودك
واقول اسف
0 التعليقات:
إرسال تعليق