عيدك يا امي ...بقلم الشاعر ........صلاح البرماوي

**(عيدك يأمى)**
****************
فى عيدك يأمى
بقولك تسامحينى
وبين ايديكى يامى 
تضميـــــــــــنى
فكرينى بأيامى وسنينى
بفتكر يأمى
لما كنت أقول الأه
تجرى عليا وتقولى عينى
ترفعى ايدك للسما
وتقولى يارب أنا
اللى أقول الأه
واشفى ابنى ونور عينى
وحياتى يأمى تسامحينى
عيدك يأمى
**************
جايلك يأمى أبوس الايد
قلبى كان عليكى قاسى شديد
وانتى يأمى دعواتك ملازمانى
حتى لو كنت عن عنيك بعيد
تدعيلى تبعد عنى أحزانى
ناس كتير يأمى خدعونى
الا حضنك انتى يأمى يدفينى
بعد كتير من الناس باعونى
خدينى يأمى فى حضنك وضمينى
جاى أقولك يأمى سامحينى
*******************
أمى يانبع الحنان
أول ما اتولدت حسيت
فى عنيكى الحنان
حسيت بالامان
انتى هدية من الرحمن
جايلك يأمى بدموع عينى
أطلب منك يأمى تسامحينى
*********************
عارف يأمى ان قلبك مالوش مثيل
طبيب يدواى أى عليل
داوينى يأمى بكلمتك
طالب يأمى ضمتك
وتقولى انك سامحتينى
فى يوم عيدك
أقولها للدنيا يامى
كل سنة وانتى حياتى ونور عينى