بكرة أحلى ..... للشاعر: رضا أبو الغيط

لما الشمس تغيب
وييجى الليل
أوعى تخاف
بكره الشمس تصبح
وتغطى الليل
بألف لحاف
بكره نهار
والخفاش
من شمس بلدنا
بكره يخاف
بكره طيور السما
هطير
بكره تزقزق
العصافير
بكره يشقشق
صبح جديد
وأسمع صوته
يقولى
عواف
بس رجائى
أوعى تخاف

***********

أوعى تخاف
من لون الدم
أوعى تخاف
من كتر الغم
أمى وأمك
لو يوم خافت
وجع الطلق
كنت أنا وإنت
مش م الخلق
شايف بكره
ف ضحكه طفل
شايل فرخ أبيض
شفاف
عاوز يرسم
صوره بلده
جرب زيه
وأوعى تخاف
شايف بكره
شجره ورد
طارحه الفرحه
بلون الغد
شجر الورد
مش بيخاف
عمر ما صاب الورد
جفاف
طول م القلب
ساكنه الحب
ومش بيخاف
شايف بكره
ف نور الفجر
شايل سبحه
دايما يدعى
بطول العمر
نور الفجر
من عتمه ليل
عمره ما خاف

رضا أبو الغيط