حال الدنيا .... بقلم الشاعرة : سعاد عبد السلام

حال الدنيا
----------
ياللي بتاخد الدنيا شطارة
تحيا بكسلك مش بمهارة
و لجنتها بتتمنى
دنيا غريبة مالهاش حد
يوم ترضيك
و يوم تشقيك
و يوم تتهنا
بس جمالها في اخد و رد
ليه تتحير فـ مشاعرك
مهما تقاسي او بتَجّرح
كل جراحك راح ترجع لك
تلقى عذابك مالهوش حد
دا الاهمال بيزيدها كأبة
و الا وحوش خلونا فـ غابة
هي كده دنيا كدابة
تهد كيانا و روحنا هد
***
لما تحس انك حيران
اجري بسرعة عـ الغلبان
شوف احواله
طيب حاله
تحس بكرم المولى يبان
روح ليتيم او تعبان
طبب جرحه
شاركه فـ فرحه
يومها الفرح
مالوهش ميزان
***
ليه حـ نطيب والا نطاطي
يوم بنسلم و يوم بنعادي
اتخنق في حلوقنا صوتنا
و ادبحنا مـ الانين
إبكي ياللى نسيت بلادك
بعت علمك .. بعت ناسك
د الطين اللى فـ مداسها
اغلى و انقى من ياسمين
اياك تاني تلوم عـ الدنيا
دي دنيا ظلومة لبني ادمين
بقلم
سعاد عبد السلام