بالعلم تكون الحياه...1.( خاطرة )
كلماتي : اشجان سليمان
--------------------------
فينك باخال ...؟!
تعالي قول : للعيال
اللي حصل واللي كان ..
لجل يتعلموا ازاي ....
تكون الحياة ...؟!!
من غير حُجة ولا سؤال ...!!!
فاكر يا خال .. ؟!
لما عبد الناصر
وزع عقود ع الغلابة
وكنت واحد منهم
أو زيهم ... فاكر يا خال ..؟!
ونابك من الحب جانب
وعملت زفة ..
وغنيت بالموال
فدادين خمسة ..
خمسة يا فدادين
يااااه يا خال ...!!
تصدق ... لِسايا فاكرة
أما كنت بتروح أرضك
تقلّبها ..وتعزقها
كنت حاسس إنك فى حلم
مش مصدق نفسك
لا .. وزرعتها قمح
كل يوم الفجر
وقبل ما ينور الصبح
تسحب جاموستك والحمار
والفاس علي كتافك ..
وفي منديلك ..
حتة جبنه ورغيف بتاو..
وشوية شاي
وتخرج م الدار
قبل ما تحمي الشمس
ويطلع النهار
فاكر باخال ...؟!
تاكل اللقمة ..
وتولع راكية النار
تعمل شاي
واللي رايح .. واللي جاي
تقوله : اتفضل
كانت أيام ...!!
وتفضل طول اليوم شغال
تدندن وتغني بالموال
وفاكر لما كنت بتقضي الليل
مع احبابك والجيران
وفي يوم من الأيام
والقمر بدر طالع
منور ع الحيطان
كانت ليلة ياخالً
خدروك ..وبصموك ...
وللدار وصلوك
وصحيت في الفجر كالعادة
وأخذت حاجاتك المعتادة
ورحت الأرض ..
لقيت ناس غريبة
فركت عينيك أنا تهت ..
وقلت فيه إيه يا ولاد
ضحكوا وقالوا : مالك ..؟!
إنت نسيت إنك بعت الأرض
صرخت وقلت : ياناس
أنا لا بعت ولا أخدت تمن
طلع واحد قال : أنا شاهد
والتاني قال :وأنا كمان ..
إنت بعت الأرض لأخونا عتمان
فاكر ياخال ...؟!
.ياااااااه ياخال ..!!
ضاعت الأرض ..
بالطول والعرض
وجريت ع المحكمة
ياسيدي القاضي
أيمانات الله ما بعت
قال القاضي :
إنت بعت وقبضت التمن
صرخت وبكيت
خبّط القاضي
وقال : اطلع بره لأحبسك
وراحت الأرض
بالطول والعرض
في قاعدة صفا ..
ضاع الوفا
فـ كلمة وحدوتة
انتهي الأمر
ياااااااه لو كنت فهمت الدرس
ووعيت ياخال ..؟!
كان ابنك فهم
اللي حصل باين زي الشمس
واللي حصل زمان ..
بيحصل النهاردة
وكأنه حصل بالأمس ..!!
شوف ياخال .....
قول للعيال القصة والحكاية
واللي حصل واللي كان
من زمان الزمان
لجل يتعلموا
ازاي تكون الحياة ..؟!
وانه مش بالساهل
نسلم ونتساهل
بالعلم تكون الحياة
من غير حُجة ولا سؤال ..!!
كلماتي : اشجان سليمان
--------------------------
فينك باخال ...؟!
تعالي قول : للعيال
اللي حصل واللي كان ..
لجل يتعلموا ازاي ....
تكون الحياة ...؟!!
من غير حُجة ولا سؤال ...!!!
فاكر يا خال .. ؟!
لما عبد الناصر
وزع عقود ع الغلابة
وكنت واحد منهم
أو زيهم ... فاكر يا خال ..؟!
ونابك من الحب جانب
وعملت زفة ..
وغنيت بالموال
فدادين خمسة ..
خمسة يا فدادين
يااااه يا خال ...!!
تصدق ... لِسايا فاكرة
أما كنت بتروح أرضك
تقلّبها ..وتعزقها
كنت حاسس إنك فى حلم
مش مصدق نفسك
لا .. وزرعتها قمح
كل يوم الفجر
وقبل ما ينور الصبح
تسحب جاموستك والحمار
والفاس علي كتافك ..
وفي منديلك ..
حتة جبنه ورغيف بتاو..
وشوية شاي
وتخرج م الدار
قبل ما تحمي الشمس
ويطلع النهار
فاكر باخال ...؟!
تاكل اللقمة ..
وتولع راكية النار
تعمل شاي
واللي رايح .. واللي جاي
تقوله : اتفضل
كانت أيام ...!!
وتفضل طول اليوم شغال
تدندن وتغني بالموال
وفاكر لما كنت بتقضي الليل
مع احبابك والجيران
وفي يوم من الأيام
والقمر بدر طالع
منور ع الحيطان
كانت ليلة ياخالً
خدروك ..وبصموك ...
وللدار وصلوك
وصحيت في الفجر كالعادة
وأخذت حاجاتك المعتادة
ورحت الأرض ..
لقيت ناس غريبة
فركت عينيك أنا تهت ..
وقلت فيه إيه يا ولاد
ضحكوا وقالوا : مالك ..؟!
إنت نسيت إنك بعت الأرض
صرخت وقلت : ياناس
أنا لا بعت ولا أخدت تمن
طلع واحد قال : أنا شاهد
والتاني قال :وأنا كمان ..
إنت بعت الأرض لأخونا عتمان
فاكر ياخال ...؟!
.ياااااااه ياخال ..!!
ضاعت الأرض ..
بالطول والعرض
وجريت ع المحكمة
ياسيدي القاضي
أيمانات الله ما بعت
قال القاضي :
إنت بعت وقبضت التمن
صرخت وبكيت
خبّط القاضي
وقال : اطلع بره لأحبسك
وراحت الأرض
بالطول والعرض
في قاعدة صفا ..
ضاع الوفا
فـ كلمة وحدوتة
انتهي الأمر
ياااااااه لو كنت فهمت الدرس
ووعيت ياخال ..؟!
كان ابنك فهم
اللي حصل باين زي الشمس
واللي حصل زمان ..
بيحصل النهاردة
وكأنه حصل بالأمس ..!!
شوف ياخال .....
قول للعيال القصة والحكاية
واللي حصل واللي كان
من زمان الزمان
لجل يتعلموا
ازاي تكون الحياة ..؟!
وانه مش بالساهل
نسلم ونتساهل
بالعلم تكون الحياة
من غير حُجة ولا سؤال ..!!
0 التعليقات:
إرسال تعليق