إحساس مخنوق .... بقلم الشاعر: عز رشاد

۩۞۩ أحساس مخنوق ۩۞۩
بقلمى : عز رشاد
============..
تحس بأيه
لم الشوق جواك يكسرك
لم تشتاق لحد غالى
بعيد عليك
تحس بأيه
لم تحتاج انه يضمك
تصرخ وجواك
الف اه واه بتوجعك
اكيد ح تشوف
الدنيا دايرة عتمه
مقفوله عليك
ومهما تلف فيها
ح ترجع لاول بدايه ليك
واحساسك ح يبقى
صعب توصف فيه
تحس بأيه ...
أحساس مخنوق
لما صوتك
حتى ما تسمعهوش
تفضل تنادى
ع الحبيب
حتى صدى صوتك
عنك يغيب
وتشوف ف مرايتك
انسان غريب
عليك متعرفهوش
حتى ملامحك
تختفى وتغيب
وكأن اشتياقك
أحساس غريب
وتحس الدنيا
دايرة عتمه
مقفوله عليك
ومهما تلف فيها
ح ترجع لاول
بدايه ليك
تحس بأيه
بقلمى
Ezz Rashad