الاضرابات تتواصل ......... بقلم الكاتب الاستاذ........ محمد محمود عبد الفتاح

إضْراباتنا مُش هاتخْلَص
حتَّى لو جبتوا لنا مين
حتَّى لو جبتوا لنا يوسُف
بَرْدوا هانقول مُضْرِبين
ما احنا شَعْب الجُبْن فيه
من مَلايين السِنين
والجَبان ساعِة مِ يقْدَر
مُسْتَحيل أبَداً يلِيِن
بُكرا مِحْلِبْكًُم هايلْحَق
رَكْب باقى المَخْلوعين
مُش لانُّه شَخْص فاشِل
لأ لأنّ احنا اللى شِيِن
واحنا دايماً عَ الغَنايم
والثِمار مِسْتَعْجِلين
رَغْم إنّ احنا اللى ناس
عَ الكَسَل متعَوِّدين
والمُوَظَّف دا (اللى مُضْرِب
قال) ومادِد لَك إيدين
عاوزَه مِ الدَوْلَه الزيادَه
هُوَّا نَفْسُه اللى إيدِيِه
عَطَّلِت إنْتاج بلادُه
ودَمَّرِت مَجْهُود سِنِين