......................
ساعات تفوت
وكلام يموت
ولا قادرة أسيبك ثانيتين
لحظة سكوت
يااااااا عـ الجبروت
بتصحى جوايا الحنين
والذكريات
وكل الى فات
وعليهم وجع السنين
بنسى أوقات
أقولك حاجات
بتمنى لو لحظتين
فى قلبى حكايات
وجايز آهات
ومين غيرك يفهمنى مين
عيونى تشرد ساعات
تدارى حزن ودمعات
مكتوبة على الرمشين
وتصحى وتبات
دايب فى حلقى سكر نبات
يا واحشنى وحشتين
والنار تقيد
والشوق يزيد
ما يطفهمش كلمتين
وقلبى الوحيد
لقلبك وريد
ينبض بإسمك نبضتين
مش عارفه اكيد
بحبك من جديد
وحبك ملى قلبى والعين
0 التعليقات:
إرسال تعليق