يا شعبى يا صابر و ساكت سنين
و يوم لما تصرخ بتصرخ حزين
و فاكر صراخك يرجع حقوقك
و يمسح دموعك و يطفى الأنين
..............................
يا شعبى كفاية ده عدى اللى راح
و تفضل ايديهم تصقف سماح
يدوسوا ولادنا و يطفوا أملنا
و ساعة حسابهم قضانا براح
..............................
أقولك حكاية قالوها زمان
بأرضى لولدى بقلب اللمان
هتسكت هتبقى و يمكن هتشقى
و لكن هتوصل لبر الأمان
..............................
الهى ياخدهم دى حبة عصابة
و باعوا فى بلدى و غنوا الربابة
و جابوا عاليها و علوا واطيها
و قالوا لشيخهم دعاوى الاجابة
..............................
اقولك فى سرك نصيحة بمفيش
لا تشتم فى وطنى و سلفى و جيش
و تفضل مكتم بقلبك انينك
و تصحى لبكرة الهى تعيش
..............................
بقلم الكاتب الكبير:
د/ محمد وهبة
0 التعليقات:
إرسال تعليق