مين ها يدفع .......... بقلم الشاعر .......... صلاح البرماوي

(مين هايدفع الثمن)
**************
كنا زماااااااان اخين
ناكل نشرب عايشين
لا بنسال مين ؟
ولا تبع مين ؟
كنا زمان الضحكة
مش بتفارق الشفتين
الله عليها الضحكة
من قلوب محبين
كنا زماااان اخين
نتقابل نكون لبعض مشتاقين
وتحلى الحكاوى واحنا متجمعين
والقلوب صافية مليانة حنين
اليوم احنا لسة اخين
بس ياخسارة ......
ضاااااع مننا الحنين
اوعى تقول العيب ع السنين
العيب فينا يابنى ادمين
بقينا نسال ؟
انت مين ؟
تبع مين؟
وتفرقت كلمتنا وبقت ملايين
اتفرقت قلوبنا واحنا مش حسين
ومعاها هايضيع الوطن
ومين هايدفع الثمن؟؟
*****************
ابدا مش هايضيع
وقلوبنا للشيطان مش هانبيع
هانجمع شملنا ..
وهانبدا بداية الربيع
هانشبك ايدينا ومش هانضيع
هانرجع احلى زمن
ومافيش حد راح يدفع ثمن
هانحافظ عليك ياوطن
ياما مرت علينا محن
فاكر ايام زمااااان
لما كانت ارضنا بتتهان
وقفنا ايد واحدة للعدوان
ده المصرى بيظهر ويباااان
وقت المحــــــــن
هاتعدى وهاترجع لينا ياوطن
ونعدى بيك كل المحن