فين الإبتسامه
نفسى مره ف ابتسامه
هو ليه الضحك ولى
من سكات
ولا ليه الحزن علم
ف الوجوه ميت علامه
هو ليه الضحك ولى
من سكات
ولا ليه الحزن علم
ف الوجوه ميت علامه
هى ميه زرعى مالحه
ولا ليه زرعى مات
هو كان العيب ف زرعى
ولا كان عيب الغيامه
هى فين شمس النهار
ساكته ليه
كل يوم كات تصبح
كات تموت ف الهزار
شمسى فين
ولا فين راح النهار
ألف ميت مليون ندامه
ع اللى راح ع الجراح
اللى ساكنه جوا قلبى
لما ماتت لبتسامه
قول ياقمر رحت فين
قولى نورك عند مين
كنت بسهر عمرى جنبك
كنت بكتبلك قصايدى
كنت حبى وكنت حُبك
كنت وعدك وانت عهدى
فين وعودك ليه خليت
ولا فين هى الشهامه
هو ليه عصفور شجرنا
طال غيابه
هو باعنا وإلتقى
غيرنا صحابه
ولا طاله الحزن منا
وسد بابه
ولا صابه
جزء واحد م الكآبه
لما شاف وبعنيه
أد ايه ظلم الديابه
للغلابه
يا ابتسامه ردى قولى
هى فين بس الاجابه
ولا فين بس السلامه
راحت فين حروف الضحك
ف حروف الهجاء
وفين قصايد العشق
وليه قصايد الرثاء
هى الحياه متبقاش حياه
لو ما فيش ف يوم خناق
ولا معرفش أعبش
الا بحروف الرياء
رحتى فين
ردى قولى يا ابتسامه
نفسى مره الضحكه تعلى
تبقى أعلى م الأهات
نفسى طير الشوق يغنى
نفسى يهجر السكات
نفسى اضحك
ولا ف الضحك ملامه
0 التعليقات:
إرسال تعليق