قلب للايجار --- بقلم عونى هشام

....... قلب للايجار
============= بقلم عونى هشام
بقالى سنين
وانا قلبى ما داق الحب
اقول يا مين
يشوف قلبى ليه ما طب

عايش قلبى مع نفسه
ومع همسة يقول يارب
الاقى قلب يهوانى
ادوق وياه طعم الحب

عرفت كتير
باشكالهم والوانهم
وكان قلبى
يا دوب فكرة في وجدانهم

كان اللعب بقلوبنا
بيسعدهم
رحت بعيد
وليه العب بالعابهم

عشان الحب
حسة حميل
معاه تطرب
قلوب وتميل

مليش
في اللعب واللهوى
وحب
يجينى على سهوى

عشان قلبى
عايش دوغرى
ولا يلونبلون تماثيل

تركت الحب لاحبابه
ومش لاقى لقلبى زميل
زميل يعرف معانى الحب
يدوق احساس
مالوهش مثيل

يقول احساسة بالنظرة
بدون همسه بدون تأويل
أعيش وياه في احساسه
واطرب له ساعة ما يميل

ولو قال حرف بالصدفة
الحنها واغنيها
كما المواويل

تعبت كتير ومش لاقى
وقلبى ع الوفا باقى
لا يوم هايغير اطباعة
ولا هايعمل
في يوم تمثيل

نعيت قلبى باحساسة
وكتبت عليه بلاش تأجير
عشان قلبى بدون سكان
ما ينفهش معاه تغيير

ولو في يوم هايتغير
هسيبة واشوف لى قلب

تانى بديل
=======