فاكره يامه ..........بقلم الشاعر ..... هاني داوود

فاكره يامه 

فاكره يامه لما اول مره جيت عشان اشوفك
لما جيت اطلب رضاك وحنانك وامسح دموعك
كنت عايز اقولك كونى امى 
تمسحى جروحى وامسح جروحك
خلينى ابنك وهى بنتك فرحينى وفرحيها
افهمى انى محتاجها حسى بشوقى وحبى ليها
كان نفسى احكيلك ياامى بدموعى اد ايه انا نفسى فيها
تكون جنبى تنسينى همى وتعوضنى واهنيها
كان نفسى تسالينى عن سر احزانى وليكى احكيها
تبصى فى عنيا تحسى بيا وتحسى بيها
فى لحظه قسوه منك دبحتينى وقتلتيها
سبتينى لدنيا قاسيه ارجع تانى ليها
عارفه يامه احساسى دلوقتى ايه ؟
المى وعذابى قد ايه؟
عارفه ان دمعى صار فى دمى وعيونى وهمى
انك لما بعدتيها عنى كان نبض قلبى فيها
دلوقتى مات جوايا فرحى
والشكوى ماعاد ليا حد لحنانه اشكيها
بعدتيها عنى حته منى لا دى كلى اخدتيها
وسبتينى اصرخ بالمى وادفن فى قبرى املى
كده ارتحتى ياامى لما بعدتيها عنى ؟
اه لو تعرفى يامه ان التمنى كان كلامى ليها
اسمع صوتها واشوفها .. جنتى اللى فرحت بيها
امانه عليكى يامه تفرحيها تصونيها وتحفظيها
دى هى عمرى وحياتى واحلامى اللى عشت فيها
ولما تزورى قبرى تدعيلى وتقوليلها انى فى السما
باشوفها وادعيلها واطمن عليها
امانه عليكى ياما تبوسيها وتقوليلها
انى هنا فى الجنه مستنيها

هانى داوود