يا همزه الوصل
بين الحروف
يا أمى
وحدك
من بين الألوف
حَملت ف الصبا
همى
شايفك
يا قمر السما
لكل النجوم
بتلمى وضمى
شايفك
يا شمس نهار
ف وسط الدار
تدفينا
بشوف
ف عنيكى
يا أمى
كل الأمان
لينا
وتبقى
الغطا م البرد
ف الشتا
يا مه
تدفينا
وتحمينا
يا دفئ الدنيا
يا أمى
بتبقى الهدمهتكسينا
وتبقى اللقمه
تغذينا
وتبقى الميه
تروينا
وتبقى لبكره
أمانينا
يا أجمل
أمانينا
ف الدنيا
يا أمى
يا شجره وطارحه
يا أمى
وطرحك فرح
بيجرى العمر
ف دمى
يا عايشه
الدنيا ويانا
وفرحك
يبقى
فى هنانا
ودمعك يسيل
يا مه
لو الدنيا
ف يوم تنسانا
يا فرحتنا
ونور بيتنا
يا أمى
صوتك أدان
يا أمى
يصحينيوبنبع الحنان
فيكى
يا أمى
توضينى
بتدعيلى
ف الصلاه يامه
يوفقنى
ويهدينى
جميلك يامه
فوق راسى
ومش ناسى
واسمك محفور
على جبينى
يا أمى
يا رب
يا أمى أرضيكى
وأكون العوض
ليكى
وأكون
الضى لعنيكى
وأكون والفرح
والحِنه
تتحنى
بها ايديكى
ورب الكون
يا أمى
عشان خاطرى
يخليكى
كلمات / رضا أبو الغيط
0 التعليقات:
إرسال تعليق