حطه يا بطه .... بقلم الشاعر : سمير شريف

حطه يا بطه
------------
حطه يا بطه
يا دقن الاوته
كان في تعلب
ماشي يدحلب
واحنا بنجري
واحنا بنلعب
قال لنا ايه رائيكوا نتسابق
ونشوف مين فيكم
بكره هيغلب
قمنا جرينا
وكل ما فينا
عايز يكسب
نسينا البطه
وسبنا معاها
اخونا التعلب
خطف البطه
ونط النطه
واحنا لسه بنجري ونلعب
ولما رجعنا سألنا التعلب
فين البطه
صرخ وشتمنا
وعايز يضرب
قمنا جرينا
وكل ما فينا بسرعه بيهرب
ضحك التعلب ضحكه كبيره
مسك البطه وفيها بيضرب
قعدت تصرخ
واحنا بنسمع
هوه عايزنا
زيها نركع
وكل كلامه نطيعه
ونخشع
واي طعام يقدمه لينا
ناكله ونشبع
غلطه كبيره
ولا صغيره
لازم نشفع
اصل التعلب فاهم دوره
وبينا بيلعب
خطف البطه
ونتف الريش
واللي هيغضب
مش هيعيش
اصل التعلب واد هبيش
فاهم شاطر
مش درويش
ولع نار
حط الميه جوه الحله
عايز يسلق لحم البطه
واحنا نولع
فلفل شطه
ولا نط معاه النطه
ونقول تاني
حطه يا بطه
سرقوا مصر ... واكلوا البطه

سمير الشريف
samir