اتفضلي روحي العبي .... بقلم الشاعر: سمير شريف

اتفضلي روحي العبي
-------------
النهارده عايزه يا حلوه تهربي
وأنا اللي كنت
لو لمست ايدك تتكهربي
وتيجي جنبي تحضنيني وتقربي
عايزه يا شاطره تهربي
اتفضلي
روحي هناك لحب تاني جربي
وبحذرك
اوعي فيوم ترجعي
او مني تاني تقربي
خلاص يا حلوه انتي اتطردتي
من ملعبي
روحي العبي
ودوري عن قلب تاني
ومن كاس مراره أشربي
مستحيل هتلاقي زيي
ومش غرور
انا حبي ليكي كان نار ونور
كنت شمس ملهاش غروب
كنت وطن
من بعده انتي تتغربي
كنت حرف
بكتب وانتي تعربي
كنت حب
كنت قلب
كله انتهى
شدي لجام الرحيل واركبي
النهارده الحب مات
ومات معاه قلب حبك
من كتر جرحك
اللي فضلتي عليه تضربي
ومن نزفه
لسه يا حلوه بتشربي

سمير الشريف
samir