أنا التوهه ....... بقلم الشاعر القدير .... ياسر الغايش

انا !!!!!!
........................................................
انا التوهه انا التوهان .. 
انا الندهة اللي بتمرر
ليالي زمان ..
انا اللى الكلمه اللى
تسمعها بصوت موال ..
ساعات تلقاه مخنوقه
فى قلب تابوت ..
ساعات بتموت
ولا تحيى وعمرى يفوت ..
ولا سائل.
.فى أوراقي اللي محروقة
ماليها غصن..
ورعشة برد مخنوقه
ملاقيه حضن ..
أشوف نفسي بقيت
منسي ومش مذكور..
ومتعلق بقشايه
بالف جناح
تخدنى بعيد عن الحاضر
وترمينى ..
والاقينى جسد فارش
فى قلب الريح
وناقص منى ميت حته ..
وتنسانى وبتروح مع المجاريح
انادى عليا واترجى
تعود لى الروح
وتسكنى .. ولو فرحت بعيد عنى
بهنيها ...
وتحكى وتشرحلى عن اللى كان
حكاوى الغيب..
بتغريده ترد الروح
فى أحشائى
وانا باقى على حالى
بدون أعضاء
مغطى روحى جوايه
بدمعايه وكلمة صبر..
بتطبط على أكتافى
وبتودع ربيع زايل
لاوصافى ..
غُنًاها خريف يشبهنى
ورحت أسئل.. انا نفسى
انا ابق مين !!!