حلم راوضنى
بقلم محمد البلاط
حلم راوضنى
ولا وهم عاندنى
وكام دمعه من عينى
ممكن تصحينى
ممكن تفكرنى او ترسينى
لسه فاكرنى ولا ناسينى
ممكن تريحنى
لو حتى تشرح لى
وتخف حزنى وتخف انينى
انت اللى ساكن فى قلبى
وبتجرى فى دمى
انت اللى دائى ودوائى
وبلسمى وسمى
انت اللى قلبى بشوفتك
يرقص ويغنى
انت الحنان وعلام
على كف محنى
انت اللى منك انا
وانت كمان منى
انت اللى ضى العين
وساكن الننى
فى لحظه ليه بعتنى
وناوى تهجرنى
بايع وقابض الثمن
ايه الثمن يعنى
انا اشتريتك بروحى
بفتات ليه تبعنى
ومنايا ليك السعاده
ليه بتوجعنى
وحبى ليك كان عباده
ليه تكفرنى
نايم وكلك رضى
وظلمك مسهرنى
حلم راوضنى
ولا وهم عاندنى
جرى دموعى فى عينى
وفى نفسى شككنى
كام دامعه من عينى
ممكن تصحينى
هم عاندنى
ولا حلم راوضنى
0 التعليقات:
إرسال تعليق