تخاريف قلم ......... بقلم الشاعر ............. عوني هشام

تخاريف قلم
========== ماستغناش
عن حبك ليه
كله كلام 
واهو فيه تسلية

ياما سمعنا
وياما بكينا
طول عمرنا
عايشين وحدينا

اصل المغنى
زمانها خلاص
صوت بلا معنى
ما تفهمهاش

والاخلاص
فى زمانا طشاش
حتى الحب
اتباع ببلاش

واللى بيمشى
راح ولا جاش
حتى بصوته
ما سمعناش

اه يا خسارة
بس وليه
هو بنفسة
بيجنى عليه

اهى نخاريف
او فيها تحاريف
اصل الهم
كتير ومخيف

عايز تعرف
تعرف ليه
اصل الفكر
قفلنا عليه

تقول الحق
تكون غلطان
شوية تنافق
تبقى البيه

اياك تغضب
تزعل منى
انت مكانك
عين والننى

طب بالزمة
دا يبقى كلام
اديك عينى
واقول يا سلام

يابنى ارحمنا
شبعنا اوهام
قبل ما تدى
بتاخد كام

تبقى عايزنى
اديك نور عينى
طب ما تدقش
برضة كلام

اصل الدنيا
ماشية عكاس
تبقى في شغلك
مش على بعضك
تروح السوق
تكون محتاس

قول يا بيرم
قول يا نزار
شوية بجد
شويه هزار

لازم نضحك
نعمل ايه
الهم كتير
ما اقدرش عليه

وترجع تانى
تقولى بحبك
طب وحياتك
تدفع ايه

ماستغناش
عن حبك ليه
كله كلام 

واهو في تسليه